O 16 de setembro a ANPA do CPI Poeta Uxío Novoneyra solicitou a Mobilidade da Xunta de Galicia un transporte 4x4 que fixese de lanzadeira entre Seoane e o CPI, para minimizar os riscos do desvío habilitado para o transporte escolar.
O silencio da Xunta ante esta petición obligounos un mes máis tarde a solicitar axuda institucional ao Concello de Folgoso do Courel, solicitando a súa intermediación coa Consellería para conseguir ese transporte.
Hoxe 28 de outubro aínda non recibimos tampouco ninguna resposta do Concello.
Tanto a Xunta como o Concello de Folgoso do Courel teñen cousas máis importantes que facer que dedicar atención á seguridade das nenas e os nenos do Courel, polo visto.
Por favor, partillade este vídeo-protesta cos vosos contactos.
Grazas!
https://www.facebook.com/anpa.courel/videos/573212375363186/

​A ECONOMÍA SOCIAL E SOLIDARIA EMPRENDE CON C: COÑECE, CONECTA E CREA!
Dende A Economía Social e Solidaria (ESS) promovemos un modelo económico que pode transformar o mundo e que ten impactos positivos sobre o medioambiente, a comunidade e as persoas.
 Se sintes curiosidade e interese en coñecelo, vente o día 30 de Outubro a Celanova, á xornada presencial: "A ESS Emprende con C: Coñece, Conecta e Crea" , que organizamos dende REAS Galicia, co apoio da Rede Eusumo e o Concello de Celanova. Un espazo onde atoparás inspiración, compartiremos aprendizaxes e fomentaremos o coñecemento mutuo entre persoas e entidades para poder impulsar o xurdimento de novas ideas para o noso territorio.
Se queres máis información, pincha neste enlace:
https://drive.google.com/file/d/1onKlrvTB02JFd4MuNQ2lloWmyiXTpTUw/view?usp=sharing
Para unha mellor organización, agradecemos a inscrición en:
https://forms.gle/BFheLDQTa2BAxB5j8
Esperamos poder verte pronto!

V XORNADAS DA TERRA DE MIRANDA
​Meira/A Ribeira de Piquín / A Pontenova / Riotorto 18/19 e 26 de outubro de 2024.
Avaliación das Xornadas
Temos Na web das Xornadas da Terra de Miranda actualizada, entre outras cousas, un documento de conclusións.
https://xornadasmiranda.weebly.com/