 Comprácenos informarvos que a andaina do Monte do Gato, adiada o pasado 19 de xuño a causa do mal tempo, vai ter lugar o próximo sábado 3 de xullo en xornada de mañá.
A camiñada quere ser instrutiva, reivindicativa e lúdica ao mesmo tempo. Benvidas serán as faixas, os cartaces e todas as mostras creativas que reivindiquen os nosos espazos naturais! Nós xa temos preparadas algunhas delas... Será, por primeira vez desde o ano 2019, un acto aberto no que non fará falta anotarse previamente. A marcha, na que intervirán os especialistas que se citan no cartaz, partirá do Monte do Gato (perto da antena de Sanmil) ás 9:30 horas. Para aquelas persoas que o desexen, haberá unha concentración previa diante do Concello de Oza, ás 9:00 horas, desde onde partiremos en coche até o Monte. Paga a pena loitar pola integridade deste espazo natural, patrimonio de todas e todos. Rógase difusión!
0 Comentarios
 A concentración das persoas asistentes será na praza do Concello de Oza dos Ríos, ás 17:30 horas (media hora antes da hora anunciada nun principio); de alí partirase nos coches para o Monte do Gato, onde comezará a andaina. Tamén se pode acudir directamente ao lugar de comezo da andaina, no propio Monte do Gato ás 18:00 horas.
É unha actividade aberta ao publico en xeral, sen necesidade de inscrición previa. Porén, RR recomenda ás persoas socias e achegadas que comuniquen a súa intención de asistir a través do enderezo electrónico ola@roxinroxal.com, co obxecto de ter unha idea aproximada do número de asistentes. A marcha contará coas medidas preventivas derivadas das normas vixentes da Covid-19: uso obrigatorio de máscara e distancia de seguridade. Dificultade media. Levar protección solar e un ou dous apoios para camiñar. O pasado sábado, cinco de xuño, tivo lugar en Compostela a manifestación da que se falaba en novas anteriores. Aquí vos deixamos un par de fotografías da concentración.   Máis de 20 colectivos galegos convocaron, en unha rolda de prensa, a toda a sociedade a manifestarse o vindeiro día 5 de xuño, Día do medio Ambiente, en contra da invasión eólica que estamos a vivir. Baixo estas liñas, poderase atopar o manifesto definitivo, o cartaz e unha imaxe da rolda de prensa.   A Asociación Cultural Libre de Paderne Roxín Roxal elaborou un informe sobre o megaproxecto de eólicos no Monte do Gato, ao cal podedes acceder pinchando na seguinte imaxe. A continuación desta, tamén poderedes atopar un vídeo sobre os estragos que as obras provocaron no Iribio.  |
REDEEste é un espazo para actualizar novas que teñen que ver co rural! 
Categories |
Canal RSS
