​#40AniversarioNEG
#1ºCongresoNEG
Este ano 2023 fanse 40 anos desde que nos constituimos como "Nova Escola Galega". Con este motivo, imos celebrar no Museo do Pobo Galego (Compostela) uns actos de festa e o 1º Congreso NEG, durante a fin de semana do 30 de xuño ao 2 de xullo.
Aqui tendes dispoñible o programa http://www.neg.gal/.../Programa%20Congreso%20NEG%2040...
Pretendemos igualmente aprobar un relatorio titulado "Nova Escola Galega ante o tempo presente da Educación: retos e propostas" no que actualizamos o modelo de educación pública que vimos defendendo
http://www.neg.gal/.../documentos/RELATORIO%20CONGRESUAL.pdf
No marco dos actos do sábado, na quenda da mañá, entre outras actividades daremos a coñecer as persoas propostas para o seu nomeamento como socias de honra.
"A banda da loba" ofreceranos un pequeno concerto para celebrarmos, coa ledicia da súa música, este treito do camiño que vimos compartindo con moitas persoas socias, e tamén con profesorado, educadores e educadoras, comunidades educativas, entidades, colectivos educativos e socioculturais etc. A tarde do sábado dedicarémola ao debate congresual e remataremos o domingo pola mañá cunha asemblea na que renovaremos o noso Secretariado.
Desde aqui convidámosvos a vir canda nós e participardes desta celebración. Podédesvos inscribir cubrindo este formulario. http://www.neg.gal/.../Bolet%C3%ADn%20de%20inscrici%C3...