Comisión de Cultura e Normalización Lingüística
Facultade de Ciencias da Educación
18 de Abril de 2023

Lugar: Facultade de Ciencias da Educación, Santiago de Compostela (pola mañá no edificio da Av. Xoán XXIII e pola tarde no edificio do Campus Sur).

Non é precisa inscrición previa. De balde.

​DESCRICIÓN
Estas Xornadas teñen como finalidade afondar no coñecemento e difusión de boas prácticas desenvolvidas en contextos rurais, promovendo a reflexión acerca das dinámicas socioambientais, culturais, educativas e económicas que lles atinxen.
As relacións sociais de proximidade sostidas nun territorio ao longo do tempo posibilitan o xermolo de experiencias que, á súa vez, poden constituírse en modelos de desenvolvemento comunitario local, polo que nestas Xornadas pretendemos analizar os espazos rurais como potenciais catalizadores do mesmo. A través do aproveitamento e a optimización dos recursos endóxenos (materiais, humanos, relacionais, etc.) e por medio da posta en práctica de certas iniciativas de innovación pedagóxica, entendemos que é posible favorecer un desenvolvemento integral dos territorios.
Neste senso, a actividade está pensada para todas aquelas persoas interesadas en promover a mellora das condicións de vida no medio rural, así como en coñecer experiencias innovadoras.
 
OBXECTIVOS
- Contextualizar a situación actual do rural galego, definindo as prioridades das políticas sectoriais desde unha análise que atenda á súa forma e contido.
- Presentar os espazos rurais como potenciais catalizadores dun desenvolvemento integral (económico, socia, cultural, ...) ,a través do aproveitamento e a optimización dos recursos endóxenos.
- Valorar a importancia da lingua galega como elemento vertebrador das comunidades, incidindo na diversidade dos seus usos e formas nas manifestacións culturais compartidas.
- Dar a coñecer iniciativas salientables desde a perspectiva social e educativa que, polo éxito na súa aplicación, se configuran como motores do desenvolvemento local.
 
PROGRAMA
MARTES, 18 DE ABRIL
SESIÓN DE MAÑÁN (CAMPUS NORTE-SALÓN DE ACTOS)
9.45h. Inauguración
María López Sández (Vicedecana)
Jesús Rodríguez Rodríguez (Departamento de Pedagoxía e Didáctica)
Carmela Cambeiro Lourido (Departamento de Pedagoxía e Didáctica)
 
10.00-11.30. Rede Galega de Educación e Desenvolvemento Rural
Alfonso Filgueira López
María Cao
 
11.30-12.00h. Descanso
12.00-13.30h. Escola rural: soño ou realidade?
Alejandro González Méndez Mestre de Educación Primaria e responsable do CEIP Eduardo Cela Vila (Triacastela)
Noelia Pillado Fraga Mestra de Educación Primaria e responsable do CEIP de Samos
 
SESIÓN DE TARDE (CAMPUS VIDA-AULA 6-7)
Experiencias-Proxectos de Dinamización do Medio Rural
16.30-18.00h. Imaxinar e facer rurais dende a Educación Social. A experiencia de Outonía S.Coop.Galega
Tania Sánchez Gómez
Educadora Social, Socia traballadora de Outonía S.Coop.Galega
 
18.00-18.30h. Descanso
18.30-20.00h. O papel da universidade no impulso e promoción da escola rural (online)
Nuria Carrete-Marín
Universidade de Vic-Universidade Central de Cataluña
Doutoranda e Investigadora en Educación. Magíster en Educación en Territorios Rurais
 
ORGANIZA:
Comisión de Cultura e Normalización Lingüística. Facultade de Ciencias da Educación
 
Profesorado responsable:
Jesús Rodríguez Rodríguez
David García Romero
María do Carme Cambeiro Lourido

A Casa das Ínsuas de Rábade acolle o vindeiro 18 de marzo a xornada "Por que necesitamos un plan educativo para o rural galego?”
Organizada pola Confederación ANPAS Galegas, en colaboración co Concello de Rábade e a Asociación Galega de Custodia do Territorio, con esta iniciativa queremos facer nosa a loita por un rural no que se poida nacer, medrar e vivir como en calquera outro lugar.
O rural galego precisa dun plan de seu que deteña a súa desaparición, e que entregue un futuro posíbel ás que hoxe o habitan, e a todas aquelas que queiran habitalo nun futuro. E iso faise con investimentos, con atrevemento, con gañas, e con interese; sen palabras ocas e sen declaracións de fume como as que temos de a cada pouco.
Que o rural galego teña presente e futuro depende de todas nós, da capacidade de facelo, e sobre todo da capacidade para esixilo. Nós imos pór o noso gran de area nesa esixencia.
Consulta o programa en https://www.anpasgalegas.gal/.../rabade-acolle-o-18-de
Inscricións: https://bit.ly/planeducativoparaorural23