Xa están a venda as entradas e colaboracións para o Burla Verde do 15 de xuño no Courel.
Bulide a por elas! A entrada ten un custo de 5€ e é un xeito de colaboración co encontro e a organización sérvenos para coñecer o número de xente aproximado que ten intención de se achegar ao Courel o día 15. Se algunha persoa non ten dispoñibilidade económica para facerse coa entrada, pode poñerse en contacto con nós para buscar alternativas. O Burla verde é un encontro autoorganizado e autofinanciado, no que as persoas que veñen a facer parte das charlas, concertos e demáis actividades non levan lucro económico, e todo o recadado vai a repartirse entre distintas coletivas en loita pola defensa do territorio. Por iso, nos puntos de venda tamén haberá rifas solidarias para poder facer aportacións en caso de querer colaborar co evento aínda que non poidades vir ao Courel o día 15. Entre todas as participantes sortearase unha cesta con produtos locais da Serra do Courel. Xuntes contra o espolio da nosa terra! Exposición no Vello Cárcere de Lugo
29 de febreiro a 17 de maio de 2024 Luns a sábado: De 11:00 h a 14:00 h e de 16:00 h a 20:00 h Domingo: De 11:00 h a 14:00 h e de 16:00 h a 19:00 h https://blog.riaidt.com/titulo-expo Nesta exposición daremos un paseo por catro dos máis relevantes centros oleiros lucenses, Mondoñedo, Bonxe, Samos e Gundivós, a través de máis de 250 cacharros cerámicos e outros, bastantes, elementos expositivos que foron aportados maioritariamente por 25 coleccionistas particulares e tamén polo Museo Provincial de Lugo, o Museo do Castro de Viladonga e a familia de Luciano García-Alén. O noso obxectivo é amosar unha serie seleccionada de pezas singulares e de uso cotiá na casa galega que axude a ofrecer, con enfoque científico, unha imaxe realista da riqueza oleira e do modo de vida de épocas pasadas. A exposición é froito dun traballo conxunto e colaborativo de coleccionistas, arqueólogos e outros investigadores da USC desenvolvido a partir dun proxecto de divulgación científica da FECYT. María Pilar Prieto Martínez e Luis Hixinio Flores Rivas (Comisarios) ALEGACIÓNS ao ANUNCIO do 20 de febreiro de 2024, da Secretaría Xeral de Industria, polo que se someten a información pública a solicitude de autorización ambiental integrada (AAI), o estudo de impacto ambiental (EIA), a declaración de utilidade pública e o proxecto para a implantación dunha industria de fibra téxtil a base de celulosa e as súas infraestruturas asociadas, promovido por Greenfiber, S.L. e declarado proxecto industrial estratéxico (PIE) polo Acordo do Consello da Xunta de Galicia, do 29 de decembro de 2022, que se vai implantar no concello de Palas de Rei.
https://drive.google.com/drive/mobile/folders/1DcxGSKcwCH7jDJKk-X4ZNan9Jg8Pl6YT?fbclid=IwAR2h5bQN1t37wU1cQg2tx24-snYXFWlnf3JIT-W6GF8ksZIy4C81ZSBDGEE Prazo para presentar as alegacións: Ata o 17 de abril continuación, poñemos a disposición o enlace para descargar o formulario de alegacións contra a macrocelulosa de ALTRI. Descárgaa e preséntaa antes do 17 de abril en calquera concello, administración da Xunta ou administración do Estado; de forma física ou por rexistro electrónico. https://docs.google.com/document/d/1QIvLi34cf4eNbSM0s43BxDt4GkhfF2-6/edit En Galiza non queremos este modelo industrial insustentable e depredador. VESPA VELUTINA. CAMPAÑA DE TRAMPEO PRIMAVERAL DE RAÍÑAS
AGA (ASOCIACIÓN GALEGA DE APICULTURA). FERROLTERRA Se non queres un niño de velutina preto da túa casa, coloca un par de trampas para cazar raíñas velutinas na horta ou xardín. file:///C:/Users/PEDRO/Desktop/PEER/Recomendaci%C3%B3ns%20trampeo%20rai%C3%B1as.pdf Ferreiro, Xesús e Caride, José A. (2024). Educar y cuidar a la infancia de 0-3 años en la Galicia rural: la experiencia de las ‘Casas Nido’. Archivos Analíticos de Políticas Educativas, 32(16), 2-23.
https://doi.org/10.14507/epaa.32.8079 No interesante artigo póñense de manifesto, entre moitas outras, cuestión tan significativas como que: . Non se pode inferir que se produciron cambios demográficos orientados ao aumento de poboación nos municipios da Galicia rural con Casas Niño, continúan perdendo poboación. . A iniciativa de Casas Niño si contribúe a concentrar habitantes nos núcleos máis poboados, alí onde hai servizos e prestacións de alcance local. A maior parte das casas están situadas na capitalidade do municipio. . O 63% das titulares das Casas Niño afirma non colaborar con ningunha institución ou entidade do municipio e, das que o fan, só un 16,6% declara que é frecuentemente. Así, ao non establecer unha vinculación comunitaria, casa Niño non son axentes dinamizadores sociais. . Tampouco pode nin debe pasarse por alto que o peche de centros e a concentración escolar nos núcleos de poboación máis relevantes da contorna, motivou un éxodo de estudantes que converxe con outras circunstancias que están na orixe da emigración rural incesante, cara a vilas, cidades etc. . A Administración non contemplan explicitamente a figura masculina para a atención á primeira infancia. A muller aparece así asociada ao rol de xénero dos coidados, no ámbito privado ou público. Desde este enfoque machista, a conciliación familiar pode supoñer un espellismo ao fomentar a desigualdade de xénero. |
REDEEste é un espazo para actualizar novas que teñen que ver co rural! Categories |