ALEGACIÓNS CONTRA OS MEGA-PARQUES EÓLICOS

Prezadas socias e prezados socios da Rede do Rural:
Como ben sabedes, están proxectados macro-proxectos eólicos que afectarán gravemente ao patrimonio natural e cultural, cun impacto directo sobre aldeas, vilas, ecosistemas, sistemas fluviais etc., e non só a nivel local senón macroterritorial.
Ante este panorama desolador, hai un feixe de persoas organizando  traballo na defensa do rural desde a Rede Galega Stop Eólicos. Pero fan falta moitas máis persoas que boten unha man. Aínda que non se teña idea do que facer, cunha mínima dedicación colaborando en rede con quen ten experiencia neste ámbito, poden levarse a cabo colaboracións importantísimas -por moi pequenas que parezan- e os resultados miltiplicaranse exponencialmente.
Quen teña dispoñibilidade, para aportar o seu gran de area na tarefa, pode poñerse en contacto enviando unha mensaxe a través de:   facebook.com/RedeGalegaStopEolicos
En breve estará activa unha páxina web, onde tamén haberá un formulario de contacto:   redestopeolicos.org
PROPOSTA DE ACCIÓN INMEDIATA:
Facilítanse modelos de alegacións contra os mega-parques eólicos. Sería importante que se fixesen chegar ao Ministerio para a Transición Ecolóxica e o Reto Demográfico o maior número posible de alegacións. E lembrade que temos dereito a usar o galego. Encontraredes tamén o enlace a un cadro resumo do Documento de Inicio contra o que se alega, por se queredes facer modificacións ou as vosas propias alegacións; canto máis variadas vaian moito mellor, así non poden dar resposta conxunta. Os mega-proxectos eólicos están a exposición pública aquí:
https://sede.miteco.gob.es/.../seMITECO/navSabiaDestacados
As alegacións son para cada un dos 3 procedementos dos 3 parques eólicos por separado, e cada un ten seu fin de prazo para alegar:
Rebordechao - Acaba 18 de febreiro.
Barjas - Acaba 19 de febreiro.
Prada - Acaba 3 de marzo.
Podedes cubrir os datos, e rexistrar electronicamente no Rexistro Electrónico Común do Estado (hai que ter certificado dixital, ou @cl@ave, ou DNIe), ou imprimir e rexistrar o documento en calquera administración pública. Tamén se pode imprimir e mandar por correo postal certificado (hai que levar unha copia para quedar con ela e que selen na enviada e na primeira folla da copia a data de envío), mais isto ten un custo aprox. de 5€.
https://valfluvialdolouridocorcoesto.com/.../a-importanc.../
É importante facer a máxima difusión posible.
Envíanse as tres alegacións xa descargadas. Só faltaría poñer os datos persoais e asinalas. Envíalas polo Rexistro dun Concello é do máis sinxelo.
Saúdos rurais.
​