IV XORNADAS DA TERRA DE MIRANDA

Os días 10 e 11 de novembro terán lugar na Pontenova os Encontros de debate sobre o medio rural: IV Xornadas da Terra de Miranda, organizados por Nova Escola Galega. Unha actividade na que se someterá a análise a situación do medio rural na actualidade, principalmente no eido do ensino, no contexto xeográfico de Galicia en xeral e da Terra de Miranda en particular.

As xornadas serán abertas para o público en xeral, sendo de especial interese para o persoal docente -do ensino público e privado, ou en situación de desemprego-. Estarán homologadas pola Xunta de Galicia para o profesorado cunha duración de 12 horas. Aquelas persoas que desexen obter esta certificación oficial deberán inscribirse previamente a través dun formulario https://docs.google.com/.../1_TyJnC13UXkCtKhTJg5R.../edit...

Neste último caso establécese un número máximo de 50 prazas que serán cubertas por rigorosa orde de inscrición.

Máis información na web das xornadas: https://xornadasmiranda.weebly.com
Agardamos contar coa vosa participación!!