REDE DO RURAL
  • ACTÚA COA REDE
  • COOPERACIÓN EN REDE
  • LEIRAS
  • ADHÍRESTE?
  • QUEN SOMOS
  • NOVAS
  • CONTACTO

NOVAS​

ENCONTRO-SEMINARIO NO CEIP DE SAMOS SOBRE A EDUCACIÓN NO RURAL

2/11/2022

0 Comentarios

 
Foto
Foto
Foto
0 Comentarios

CONTIDOS DO ENCONTRO-ASEMBLEA DO COUREL A XEITO DE ACTA-CONCLUSIÓNS

1/11/2022

0 Comentarios

 

Soñar é crear, é sentir o futuro e mesmo preconfiguralo, orientados polo anseio mesmo. A teimosía dos soños sinala a certeza da posibilidade máis ou menos longa, e neste intre ou naquel.
​

Foto
Data: 1 do mes de outubro de 2022
Lugar: Parada do Courel, Casa-Museo da Fundación Uxío Novoneyra
Asistiron máis de 30 persoas.
 
1.                  Xuntoiro da Rede do Rural con colectivos comarcais e con representantes de iniciativas dinamizadoras da montaña:
Cada entidade ou colectivo fixo un resumo da súa actividade e aportou a súa proposta de mellora das necesidades da súa aldea ou territorio de influencia.
Expresouse a percepción de que até agora nas reunións da Rede do Rural parecía que sempre se estaba empezando, por iso foron moi ben recibidas as propostas para pasar á acción con feitos concretos.
Expuxéronse algunhas propostas relacionadas coa mellora do autoconcepto, da autoestima e da dignificación do rural galego; polo que sería necesario que dende a propia Rede do Rural se difundira por todos os medios dispoñibles información clara e precisa sobre:
  • Os servizos ecosistémicos dun rural sustentable que conserve a biodiversidade e os espazos naturais. A valoración económica dos servizos ecosistémicos.
  • A importancia dos valores e saberes da cultura rural e da contona natural, como marco idóneo para desenvolver as actividades dun centro educativo.
  • O importante que é incluír nos proxectos educativos dos centros contidos curriculares que atendan as necesidades do alumnado que ten interese polo rural.
  • Iniciativas modélicas de desenvolvemento rural sostible, de pequena escala, que demostran o enorme potencial económico dun rural galego con valores, e que permite vivir ben e con calidade de vida.
Púxose de manifesto que o rural necesita menos axudas a máis dereitos que as suplan. Mentres iso non se consegue tamén hai que loitar e reivindicar para que se respecten todos os dereitos legais, por exemplo, o artigo 130 da Constitución, a Lei para o desenvolvemento sostible do medio rural  etc.
A Rede do Rural ofrecerá, na medida das súas posibilidades, información, asesoramento ou axuda, con relación a diversos servizos e outras necesidades que se comunican dende o rural:
  • Atención primaria de saúde, próxima ás persoas e de plena equidade en dereito.
  • Escolarización con todo o profesorado e medios pedagóxicos necesarios para atender as necesidades educativas do alumnado; equipos docentes estables coa debida formación específica e interese por permanecer rural; medios económicos e do transporte necesarios para asegurar a compensación das necesidades que presentan os grupos reducidos de alumnado: intercambios, rotación de encontros programados, visitas culturais...
  • Conectividade dixital homologable ao do resto de territorios ou espazos urbanos.
  • Transporte público adaptado ás necesidades da veciñanza, moita dela maior.
  • Acceso á vivenda para persoas interesadas en establecerse no rural.
  • Fondos e axudas que proporcionan as dintintas administracións públicas para proxectos veciñais de desenvolvemento rural sostible; proxectos veciñais de produción, transformación e comercialización agropecuaria integrada; actividades extraescolares organizadas pola ANPA; recuperación dos soutos, que son de gran importancia socioeconómica e medioambiental.
  • Declaración de novos Parques Naturais. O Courel, por exemplo, ten que ser un Parque Natural para vivir e para vivilo.
  • Como denunciar ante a Fiscalía a vulneración de normativa legal.
Quedou patente a conclusión conxunta da necesaria unión de forzas e proxectos de todas as entidades e persoas que traballan a prol do desenvolvemento das aldeas, para garantir a preservación dos valores e recursos do rural.
 
Transcende, igualmente, a forte raizame e lealdade cos proxectos vitais a desenvolver no rural, amosados polo asociacionismo comarcal, ANPAs, docentes do ámbito rural e da universidade, MRPs, diversas iniciativas produtivas e persoas a título individual.
 
2.                  Asemblea:
A Coordenadora da Rede do Rural presenta un sintético rexistro ou feixe de actividades, materializadas nos catro anos anteriores, que proxectan o seu vincallo co rural.  irmandade para a xestión de servizos rurais
Nun segundo intre, a Coordenadora amosa unha traza da reflexión e unha análise crítica da situación real do movemento asociativo, considerando  que o necesario microasociacionismo dos diversos territorios e realidades do rural  carece, con frecuencia, de ferramentas eficientes de cooperación entre as diferentes microasociacións.
As diferentes intervencións das persoas presentes confirman a necesidade inmediata de traballar en Rede para empoderar o rural das aldeas e o rural común. 
Na última parte da Asemblea, a  Coordenadora da Rede do Rural amostra as propostas de traballo para elaborar unha “Operativa Anual 2023 da Rede do Rural”, aberta ás aportacións e debates ao longo deste trimeste  que, telegráficamente, son:
- Acadar un mínimo de catro Irmandades Territoriais da Rede do Rural ou Corresponsais nas correspondentes comarcas ou territorios das Montañas da Galicia Interior, nas comarcas da Galicia Mariñá e nas comarcas da Galicia Central, de ser posible. Tentaríase acadar unha na Galicia Central para garantir que non haxa máis de 75 minutos de desprazamento dende calquera aldea ata esa ubicación, facilitando así o traballo dos xuntoiros ou conxumios presenciais.
- Despois de facerse unha presentación da páxina dixital da Rede do Rural  rededorural.org/, que naceu coa vocación de configurarse como ferramenta ao servizo da comunidade do rural galego, asumiuse o compromiso de ir mellorando a súa operatividade, para convertela nun aveño ou ferramenta útil e práctica para a interoperatividade das Redes ou Irmandades Territoriais da Rede do Rural.
- Encomezar co desenvolvemento dun Prototipo Experimental de Irmandades de Servizos Rurais que defina a forma xurídica, a estrutura económica e a caste de servizos a prestar, e posteriormente escolmar a contorna territorial, aldea ou comarca onde se poñerá a andar.
- Elaborar un documento recollendo a Traza Branca para unha “Estratexia Integral de Desenvolvemento Rural de Galicia 2025-2050”, que contería a Traza Branca para un “Plan Específico de Educación no Rural”.
- A proposta foi moi ben acollida polas entidades e persoas presentes na Asemblea, e as súas intervencións amosaban o seu interese pola proposta aberta da Operativa Anual presentada, acompañada de preguntas que se responderon sinteticamente pola Coordenadora da Rede do Rural.
- Mesmo a Coordenadora comprometeuse a deseñar un procedemento de cooperación e encontros ou xuntoiros telemáticos, para concretar e pechar o contido da Operativa coas propostas dos distintos colectivos de toda Galicia cara ao remate da presente anualidade.
 
Programa complementario:
. Presentación de honras, ofrenda floral á memoria de Uxío Novoneyra e declamado de poemas do poeta. Honras cheas de emocionalidade e vincallo cos seus herdos, no seu templo laico das Montañas do Courel.
Visita guiada á Casa-Museo da Fundación Uxío Novoneyra. Unha viaxe polas estadías íntimas do sobranceiro trobador courelá.
. Xantar no recanto do Pontón. Sentimento compartido arredor da belida e avelaíña estadía nese recanto senlleiro.
. Estadía con Orlando Álvarez, custodio da sabedoría oral arredor dos castiñeiros e doutras ciencias rurais.
           
                                                   -------------------------------------------------------
Pero hai que ser moi críticos tanto coa esperanza coma cos soños, se é que vamos considerar fiables a ter a seguranza de cales son certos e non van “máis alá do que poda ser repetido.”
                                                          Do libro  DOS SOÑOS TEIMOSOS, de Uxío Novoneyra.
​
0 Comentarios

CONCLUSIÓNS E CONTIDOS DO ENCONTRO-ASEMBLEA DO COUREL

1/11/2022

0 Comentarios

 

                                                                               GALICIA
                       será a miña xeneración quen te salve?
                       Irei un día do Courel a Compostela
                       por terras libradas?
 
                       Non, a forza do noso amor non pode ser inutle!

Foto
​A Rede do Rural está a estudar o desenvolvemento dun Prototipo Experimental dunha Irmandade de Servizos Rurais. Definirase a súa forma xurídica, a estrutura económica e a caste de servizos a prestar. Unha vez perfilado pola Rede do Rural escolmaríase a contorna territorial, aldea ou comarca onde se poñerá a andar.
Para facilitar o intercambio información entres as diversas Irmandades Territoriais da Rede do Rural, melloranse a operatividade da páxina dixital da Rede do Rural  rededorural.org/
No Encontro da Rede do Rural proponse que se estude e actúe no ámbito da autoestima e da dignificación do rural, partindo dos seus valores antropolóxicos e da súa rica cultura, como marco idóneo para a educación, como territorio no medio natural que proporciona servizos ecosistémicos vitais para toda a sociedade, con saberes tradicionais que propician a sustentabilidade ecolóxica, cunha rendibilidade económica na produción sostible a pequena escala, que estando ben planificada,  permite vivir ben e con calidade de vida. Proponse, así mesmo, loitar e reivindicar para que se respecten os dereitos das persoas que viven no rural e do rural, acudindo incluso á fiscalía cando se vulnere algunha normativa legal. Proponse traballar na procura de solucións para dotar ao rural de todos os servizos (sanidade, educación, acceso á vivenda, recuperación dos soutos, conectividade dixital, transporte público etc.) cun criterio de proximidade e de plena equidade en dereito, dispensando o tratamento especialmente establecido para as zonas de montaña e de atención prioritaria. Aproveitar os fondos e axudas que proporcionan as dintintas administracións públicas, para iniciativas veciñais de desenvolvemento rural sostible, ou para iniciativas da comunidade veciñal relativas á produción, á transformación e á comercialización agropecuaria integrada.  
0 Comentarios

ENCONTRO-ASEMBLEA DA REDE DO RURAL NO COUREL

30/10/2022

0 Comentarios

 

                      Ollando dende Os Eidos
                                                             cara os Soños Teimosos,
                        salvemos o Ámeto Mítico
                                                             do noso rural galego

Foto
​A Casa-Museo da Fundación Uxío Novoneyra acolleu o fecundo Encontro-Asemblea do Courel, promovido pola Rede do Rural, coa finalidade de seguir construíndo cooperativamente redes rurais territoriais, interoperativas e solidarias. 
Foto
​Máis de trinta persoas de colectivos e entidades das Terras do Courel, dos Ancares, de escolas rurais ou a título individual, mostraron o seu traballo cotiá para a mellora da súa contorna, debateron e apuntaron unha traza de propostas, a callar neste trimestre, para seren desenvolvidas dentro da Rede do Rural. Principia así a construción dun chanzo de traballo cooperativo e comunitario para un rural desenvolvido dende a sostibilidade.
0 Comentarios

O futuro da gandería pasa polas aulas

27/10/2022

2 Comentarios

 
Picture
O CPI de Cervantes participa con outros 20 centros da comunidade no programa Mestres Gandeiros que impulsa a Xunta de Galicia.
Os gandeiros de mañá están nas aulas de hoxe e iso sábeno ben nos colexios rurais, onde ofrecen as primeiras nocións dunha saída laboral que collerán algúns e que beneficiará a todos. "O curso pasado ofrecemos actividades relacionadas coa agricultura e neste centrarémonos na gandería, pero non tanto como explotación económica, senón nos seus beneficios secundarios, como a preservación da contorna e a prevención de incendios", detalla
 Pablo Gómez, o director do CPI de Cervantes, que participa con outros 20 centros de toda Galicia no programa Mestres Gandeiros, impulsado pola Consellería de Medio Ambiente xunto ao plan Proxecta de Educación.
A primeira edición deste plan ideado para "achegar á comunidade escolar o mundo rural e dar a coñecer o papel que xogan os seus habitantes como xestores da paisaxe e da 
biodiversidade que os rodean", servirá para que os 30 alumnos do CPI cervantego, cos seus 16 docentes, profunden nos recursos postos en marcha o pasado ano: o horto ecolóxico, que este ano sufriu melloras como a instalación de "bancais fabricados nas clases de tecnoloxía" para enriquecer o cultivo de produtos hortícolas; a Radio Castaña, na que realizarán entrevistas a persoas vencelladas á gandería; ou o seu propio programa de reciclaxe, que permite destinar sobras do comedor á compostaxe para a horta.
Durante a visita deste martes ao colexio de Cervantes, o director do Instituto de Estudos do Territorio (IET), Enrique de Salvador, e a subdirectora xeral de Ordenación, Inclusión e Innovacion Educativa, Inmaculada Fernández, puideron coñecer todas as propostas interdisciplinares que se desenvolverán durante este curso nun centro no que, tal e como apuntou Pablo Gómez, "a nivel práctico, todo o relacionado coa gandería está claro, pero ás veces non se é consciente de todas as oportunidades que ofrece no eido laboral".
Pola súa parte, De Salvador subliñou o "carácter enriquecedor" dunha experiencia que implicará a alumnos -neste caso, de tres a 16 anos-, profesores, familias, agricultores e gandeiros, mentres que a presidenta da Anpa do CPI de Cervantes, Isabel Calvete, destacou que "as posibilidades dos nosos coles á hora de complementar as ensinanzas e contidos son inmensas se temos un profesorado implicado".
"Reivindicamos a necesidade de fornecer o ensino público no rural polo ben dos alumnos e tamén pola supervivencia destes centros de ensino e da vida da aldea", engadiu Calvete.
O CPI de Cervantes, no que teñen previsto comezar proximamente coas actividades do plan Mestres Gandeiros, é un dos oito centros que participan de Lugo. A el súmanse o Ceip Terra Chá de Vilalba, o Virxe da Luz de Portomarín, o Ceip de Casás, o Concepción López Rey de Baleira, o IES Fontem Albei da Fonsagrada, o CEE Santa María de Lugo e o IES Pedregal de Irimia de Meira. Tamén se desenvolverá no Ceip Santa María das Pontes e o Mestre Pastor Barral de Melide.

Noticia de "El Progreso", 26/10/2022.

2 Comentarios

OBRADOIROS DAS ESPIGADORAS

10/10/2022

0 Comentarios

 
Picture
Aquí compartimos os últimos obradoiros do ano das Espigadoras, Deixánvos o seu número o teléfono para calquera dúbida. 659286528
0 Comentarios

ENCONTRO ASEMBLEA DA REDE DO RURAL

20/9/2022

1 Comentario

 
O vindeiro sábado 1 de outubro realizaremos un ENCONTRO-ASEMBLEA da Rede do Rural en Parada do Courel, na casa-museo da Fundación Uxío Novoneyra (ver cartel e programa xuntos)
Picture
Picture
. 
Á coordinadora da Rede, coa colaboración da Fundaxión Uxío Novoneyra, cómprenos agora preparar a organización e a intendencia dese día, polo que che solicitamos que, no caso de que penses acudir, nos envíes a regaeder@gmail.com ATA O 26 DE SETEMBRO os seguintes datos: 
• Nome completo: 
• Correo-e: 
• Teléfono: 
• Desde onde viaxarás? 
• Permites que a organización difunda a outros asistentes o teu correo-e para compartires vehículo propio ou alleo? 
• Desexas que a organización che reserve un posto para o xantar?
 Por suposto podes traer acompañantes. En todo caso hai que cubrir os datos anteriores para cada persoa.

En canto ao xantar: será na cantina O Pontón, consistirá en entrantes de  cecina, ensalada, carne do Courel á parrilla, viño da casa, auga e sobremesa. Prezo do prato 22 euros. Para as persoas que non consuman carne teñen como posibilidade ensalada, queixo e a base de ovos. Nese caso compre comunicar o menú elexido canda os datos da inscripción .

Para aquelas/aqueles de vós que esteades pensando en quedar a durmir no Courel a noite do venres e/ou a noite do sábado, e  pola súa conta decida  ampliar unha desexable estancia no Courel, podemos suxerir algunhas posibilidades sobre visitas ben interesantes e sobre aloxamento asequible.

Na mesma aldea de Parada, nos apartamentos tipo cabanas A Carbiña, con capacidade cada un deles para 4 persoas, fan un desconto do 20% a quen  acredite participar neste encontro acollido pola fundación Uxío Novoneyra (FUN).
Tamén a Estación Científica de Seoane do Caurel colabora con este Encontro poñendo á disposición da FUN e da Rede do Rural catro habitacións dobres, para seren compartidas, a un prezo de 15 euros por persoa en cuarto compartido.
Entre Seoane e Folgoso, como poderedes comprobar, existen múltiples aloxamentos. Tratándose de tempada alta no turismo rural é preciso facer reserva canto antes.

En caso de algunha consulta nesta cuestión podes contactar 
con este número: 600730472 ou co correo 
regaeder@gmail.com

 
Se desexas ocupar o teu tempo no Courel con outras actividades, existen alternativas como, un roteiro polo souto de Parada, un roteiro ornitolóxico (pendente de confirmar), visita en Folgoso ao Museo de Madeira, Madeiroteca, do escultor Urbano Arza, unha visita á aula de natureza de Moreda do Courel, contacto con diversas iniciativas etc.  Cómpre sinalar ademais que o día 1 dende a tardiña comeza a xeira outonal de cantos de taberna polas aldeas do Courel. 

Apelamos á túa participación neste encontro-asemblea habida conta da situación na que se atopa a Rede e o gran número de asuntos relacionados co medio rural galego que reclaman a nosa atención. 

Un saúdo da coordinadora da Rede do Rural e da Fundación Uxío Novoneyra.

Rede do Rural (Rede Galega de Educación e Desenvolvemento Rural): https://www.rededorural.org/quen-somos.html
Fundación Uxío Novoneyra: https://uxionovoneyra.com/​

1 Comentario

EDUCACIÓN EN TERRITORIOS RURAIS

9/3/2022

0 Comentarios

 
Fai click na imaxe para acceder á información
Picture
0 Comentarios

III XORNADAS DE ANPAS GALEGAS NO RURAL

11/2/2022

0 Comentarios

 
 O día 19 de febreiro celebramos as III Xornadas de Anpas Galegas no rural, nesta ocasión en Vilela, Navia de Suarna. Achegámosvos  o cartaz, o programa e o enlace para inscribirse por se é do voso interese. 

PULSA AQUÍ PARA INSCRIBIRTE
0 Comentarios

Gran mobilización galega para o 11D, Día das Montañas

10/12/2021

0 Comentarios

 
​A Coordinadora Eólica Así Non convoca unha gran mobilización galega para o 11D, Día das Montañas, por unha moratoria eólica real e efectiva que free os máis de 300 proxectos eólicos que están en tramitación en Galiza.
Pincha para ver o vídeo
Pincha para ver o vídeo
Imagen
0 Comentarios
<<Anterior
Siguiente>>

    REDE

    Este é un espazo para actualizar novas que teñen que ver co rural!

    Picture

    Archives

    Mayo 2023
    Abril 2023
    Marzo 2023
    Febrero 2023
    Enero 2023
    Noviembre 2022
    Octubre 2022
    Septiembre 2022
    Marzo 2022
    Febrero 2022
    Diciembre 2021
    Noviembre 2021
    Octubre 2021
    Agosto 2021
    Junio 2021
    Mayo 2021
    Abril 2021
    Marzo 2021
    Febrero 2021
    Enero 2021
    Diciembre 2020
    Septiembre 2020
    Agosto 2020
    Junio 2020
    Mayo 2020

    Categories

    Todo

    Canal RSS

Con tecnología de Crea tu propio sitio web con las plantillas personalizables.
  • ACTÚA COA REDE
  • COOPERACIÓN EN REDE
  • LEIRAS
  • ADHÍRESTE?
  • QUEN SOMOS
  • NOVAS
  • CONTACTO